Ushbu mukofot nafaqat Diyor Mirzaahmedovning mamlakat marketingi, tadbirkorlikni rivojlantirish, innovatsion strategik tashabbuslarni joriy etishdagi shaxsiy yutuqlarini e’tirof etish, balki butun Uyushma va uning hamkorlari faoliyatini yuqori baholash hamdir.

O‘zbekiston marketing uyushmasi bugungi kunda ilg‘or g‘oyalar, biznes va davlat, hamjamiyat o‘rtasidagi muloqot, marketing va reklama madaniyati shakllanadigan eng keng ko‘lamli maydonga aylandi. Olingan mukofot - bu barcha hamkorlar, ekspertlar, marketing yordamida O‘zbekiston biznesini rivojlantirishga o‘z hissasini qo‘shgan va qo‘shayotgan barcha insonlarning birgalikdagi muvaffaqiyatidir.

Biz har bir hamkorimizga faol hamkorlik, ishonch va qo‘llab-quvvatlash uchun samimiy minnatdorlik bildiramiz. Aynan birgalikdagi ishlarimiz tufayli milliy biznes uyushmalarining yutuqlari eng yuqori darajada ko‘zga tashlanmoqda va e’tirof etilmoqda.